Попын домогт хаан Майкл Жексоны цорын ганц охин Парис Жексон амиа хорлохыг завдсаны улмаас эмнэлэгт хүргэгджээ. 15 настай охины биеийн байдал сайн байгаа хэмээн эмээгийнх нь хуульч “АП” агентлагт мэдээлсэн байна.

Охин Лос Анжелест амьдардаг газрынхаа ойролцоо хар тамхи хэтрүүлэн хэрэглэсэн байсан бөгөөд бугуйгаа хэд хэдэн удаа зүссэн байсан хэмээн “CNN” бичжээ. Эмнэлгийн ажилтнууд амиа хорлолт хэмээн үзсэн ч дэлгэрэнгүй мэдээлэл өгөхөөс татгалзсан байна.  

Тэрээр орон нутгийн цагаар мягмар гаргийн шөнө 02 цагийн орчимд гэрээсээ гарсан бөгөөд үүрээр эмнэлэгт хүргэгджээ.

Ойр дотны хүмүүс нь Парис Жексоныг ийм зүйл хийсэн гэхэд итгэхгүй байгаа аж. Учир нь тэрээр нийтэч зантай, элдэв буруу зуршилгүй нэгэн гэлээ. Түүнийг сургуулийнхаа хөгжөөн дэмжигчдийн багийн ахлагч бөгөөд твиттерт жиргэх дуртай нэгэн гэжээ.  

Д.Идэр