Америк-Хятадын дээд хэмжээний уулзалтыг ирэх есдүгээр сард товлосон. Тэгвэл хоёр орны удирдагчид маргааш Калифорнид уулзалдах гэж байна. Тэд энэ удаагийн хоёр өдрийн уулзалтаар ямар ямар асуудал хэлэлцэх нь дэлхий нийтийн анхаарлыг татаж байгаа юм. Энэ талаар “CNN” агентлагын бэлтгэсэн мэдээллийг хүргэе.
Хятад, АНУ хоёр шинэ маягийн харилцаа тогтоох ёстой гэж Ши Жинпин мэдэгдсэнд ажиглагчид анхаарал тавьжээ.

Юанийн ханшийг бууруулах явдал, АНУ-ын худалдааны алдагдал, Хятадын хөрөнгө оруулалтын талаархи АНУ-ын бодлого, арилжааны нууц, кибер тагнан турших ажиллагаа хоёр талын эмзэг асуудлууд болсон тул яах аргагүй чухал сэдэв гэлээ.
Мөн Сирийн асуудлаар гарсан америк-хятадын санал зөрөлдөөнийг хэлэлцэж нэгдсэн байр суурьтай болж магадгүй хэмээж байна.