Мэргэжлийн сумогийн 68 дахь их аварга асашёорюү Д.Дагвадорж, Даян аварга А.Сүхбат нар саяхан АН-ын отгон гишүүд болж, намын батлахаа гардаж авсан. Тэд АН-аас Ерөнхийлөгчид нэр дэвшиж байгаа Ц.Элбэгдоржийг дэмжиж, орон нутгийн иргэдтэй уулзаж байна.

   Асашёорюү Д.Дагвадорж “Монгол хүний үнэлэмж бол хүний эрх, эрх чөлөө байх ёстой. Энэ эрх чөлөөг бий болгож чадсан хүн бол өнөөгийн тэргүүн. Тэр спортод ч элэгтэй. Өвөрхангайчууд та бүхэн маань өнөөгийн Ерөнхийлөгчөө дэмжээрэй, монголчууд бид энэ хүнийг дэмжиж дахин төрийн тэргүүнээр сонгосон цагт улс орон хөгжих юм шүү” гэсэн бол Даян аварга А.Сүхбат “Залуусаа дэмждэг, спортод элэгтэй Ерөнхийлөгчөө Монголын залуучууд, өвөрхангайчууд мөн дэмжинэ гэдэгт итгэл дүүрэн байна" гэжээ.