Сүүлийн үед эмэгтэйчүүдийн эрхийг хамгаалах “FEMEN” бүлэглэлийнхэн цээж нүцгэн жагсах нь олширсон. Тэгвэл Украйнд нэгэн эмэгтэй цээж нүцгэн жагсчээ. Тэрээр эхнэрээ орхисон ОХУ-ын Ерөнхийлөгч Владимир Путиныг эсэргүүцэж буйгаа илэрхийлсэн байна.

Владимир Путин өнгөрсөн пүрэв гарагт 30 жил ханилсан эхнэр Людмиллагаас салж буйгаа улсын телевизээр албан ёсоор мэдэгдсэн нь ихээхэн шуугиан тарьсан юм.

Жагсагч цээжээ нүцгэлээд уран гимнастикийн хөдөлгөөн хийж эхэлсэн байна. Учир нь В.Путин Алина Кабаева гэдэг алдарт гимнастикчинтай холбогдоод удаж байгаа. 2007 онд 56 настай Путин 50 настай эхнэрээ 24 настай залуухан эмэгтэйгээр сольсон юм. Тэр бүү хэл дундаасаа хүүхэдтэй болсон гэлцэж байсан билээ. Удалгүй цагдаа нар ирж түүнийг баривчилжээ.