ОХУ-ын парламентын Доод танхим буюу Дума ижил хүйстнүүдэд халтай хууль баталлаа. Хуулиар 18-аас доош насныханд ижил хүйстнүүдийн сексийн харилцааны тухай мэдээллээр хангасан бол ихээхэн торгууль оногдуулахаар шийдвэрлэсэн байна.

Доод танхим санал нэгтэйгээр баталсан энэхүү хуулийг Дээд танхим болон Ерөнхийлөгч Владимир Путин нар баталсан тохиолдолд албан ёсоор төгөлдөржиж, хэрэгжиж эхлэх аж.

Хууль батлагдвал ижил хүйстнүүдийн харилцааг ухуулсан хувь хүнд 155 доллар хүртэлх, төрийн албан хаагчид 10 дахин илүү торгууль ногдуулах аж.  
ОХУ-д ижил хүйстнүүдийг 1993 онд зөвшөөрсөн ч тэднийг эсэргүүцэх хандлага маш өндөр байдаг байна.
Энэхүү явдлын дараа ижил хүйстнүүдийн эрхийг дэмжигчид болон эсэргүүцэгчид Думын гадаа мөргөлджээ.