Хоёр Солонгос 2007 оноос хойш анх удаа Засгийн газрын түвшний хэлэлцээ хийхээр тохиролцсон билээ. Өчигдөр, өнөөдөр болох хэлэлцээнд оролцохоос Хойд Солонгосын тал татгалзлаа хэмээн Өмнөд Солонгос мэдээлсэн. Тэгвэл Хойд Солонгос яагаад ийм шийдвэр гаргаснаа мэдээллээ.

Хойд Солонгос “Сайдын түвшиний хэлэллцээ хийхээс татгалзсан нь жижиг асуудлаас болоогүй. Өмнөд Солонгосын тал энэхүү хэлэлцээг өөр зорилгоор хийх гэж буй мэт сэжигтэй алхам гаргасан учраас цуцалсан” гэжээ.

Сайдын түвшний хэлэлцээ хийх саналыг Хойд Солонгос өөрсдөө тавьсан юм. Тэд хэлэлцээрийн ширээний ард өнгөрсөн гуравдугаар сард хаасан Кайсон үйлдвэрлэлийн бүсийг дахин нээх талаар ярилцах ёстой байсан билээ.