Талибан бүлэглэлийн цэргүүд Афганистаны өмнөд хэсэгт хоёр хүүгийн толгойг авсан хэмээн орон нутгийн эрх баригчид мэдээлжээ. Хүүхдүүдийг Кандахар аймагт хөнөөсөн бөгөөд 10, 16 настай хөвгүүд байжээ.

Эрх баригчдын мэдээлснээр Талибанчууд арван настай хүүг өнгөрсөн ням гарагт хогийн савнаас хоолны үлдэгдэл хайж явахад нь хөнөөсөн гэлээ. Харин 16 настай хүүгийн талаар тодорхой мэдээлэл байхгүй байгаа гэв. 

Талибан бүлэглэл энэ хэрэгт ямар ч холбогдолгүй хэмээн няцааж байна. Кабул хотын олон улсын нисэх онгоцны буудалд гарсан халдлага, Дээд шүүхийн гадаа болсон дэлбэрэлтүүдэд тус бүлэглэлийг мөн буруутгаж байгаа билээ.

Д.Идэр