Тагнуулын ерөнхий газрын Сөрөх тагнуулын газрын дарга, хурандаа Д.Цогтбаатарыг УМБГ-аас  манай улсад ирээд алга болсон Герман улсын  иргэний  хэрэгтэй холбогдуулан шалгаж,  цагдан хориод байгаа. Түүний цагдан хорих хугацаа энэ сарын 17-нд дуусах бөгөөд энэ үед цааш үргэлжлүүлэн цагдан хорьвол ар гэрийнхэн нь ноцтой баримтуудыг дэлгэж эхэлнэ гэдгээ ч мэдэгдээд байгаа билээ. Мөн Д.Цогтбаатартай хамт алга болсон Герман иргэний Монголд хамтран амьдарч байсан найз бүсгүйг шалгаж байгаа гэх мэдээлэл тарсан. Гэвч эх сурвалжийн хэлж буйгаар найз бүсгүй болох Г гэгч нь мөн сураггүй алга болсон бөгөөд Монгол Улсын хилээр гарсан ч аль улсад байгааг нь олж чадаагүй байгаа аж. Тиймээс түүнийг одоогоор олон улсын Интерполоор эрэн сурвалжилж эхлэх гэж байгааг ч эх сурвалж дурдлаа.