УИХ-ын гишүүн Ё.Отгонбаяр, Эрүүл мэндийн сайд асан Н.Хүрэлбаатар нарыг хуулийн байгууллагаас өмнөх Засгийн газрын үед их хэмжээний мөнгө шамшигдуулсан байж магадгүй хэмээн шалгаж байгаа. Тэгвэл энэ хоёр эрхэм дээр УИХ-ын гишүүн асан, Эрүүл мэндийн сайд асан С.Ламбаа нэмэгдэж байгаа гэх яриа Төрийн ордноор тархаж эхэллээ. С.Ламбааг хуулийнхан шалгаж эхэлсэн гэх мэдээллийг батлах эх сурвалж одоогоор байхгүй байна.

  Гэсэн ч түүнийг Эрүүл мэндийн яаманд сайдаар ажиллаж байх үед Н.Хүрэлбаатар төрийн нарийн бичгийн ажлыг хашиж байсан. Анх сайдаар томилогдоход нь "Бид хоёр сайн гар нийлж ажиллаж ирсэн" хэмээн мэдэгдэж байсан удаатай. Тиймээс С.Ламбааг Н.Хүрэлбаатарын хэрэгтэй холбоотойгоор шалгаж эхэлсэн байж магадгүй юм. Хуулийнхан болон албаны хүмүүс энэ асуудлыг тодорхой болгож, тайлбар хийхгүй бол С.Ламбааг шалгаж байгаа гэх мэдээлэл хуурай өвсөнд тавьсан түймэр шиг тархах нь.