Баруун Африкийн Гана улсад ажиллаж байсан 1072 Хятадын уурхайчин эх орондоо буцжээ. Гана улсын Засгийн газар энэ сарын эхээр хууль бусаар эрдэс баялаг олборлож буй харийнхныг хатуу шалгаж эхэлсэн байна. Ингэснээр 169 хятад иргэнийг баривчилжээ.

Хоёр орны дипломатууд зөвшилцсөний эцэст баривчлагдсан хятад уурхайчид суллагдсан бөгөөд нутаг буцах болсон аж. Хятадын Гадаад хэрэг, худалдааны яам зардлыг нь дааж буцааж буй иргэд өнөөдөр эх орондоо газарджээ.