Ираны ард түмэн ерөнхийлөгчийн сонгуулийн дүнгээ хүлээж байна. Урьдчилсан санал тооллогоор нэр дэвшигч Хассан Роухани тэргүүлж байна хэмээн “BBC” мэдээллээ.

Одоогийн байдлаар 2.9 сая саналын хуудсыг тоолжээ. Хассан Роухани 1.46 сая саналаар буюу 49.87 хувиар ялж яваа аж. Харин түүний араас Тегран хотын дарга Мохаммед Багер Галифаб 488 мянган санал буюу 16.65 хувийн санал авчээ.

Иран улсын 75 сая оршин суугчийн 50,5 сая орчим сонгуулийн насны иргэд аж. Ираны сонгогчид зургаан нэр дэвшэгчээс ерөнхийлөгчийг сонгох ёстой. Гадаад хэргийн асан Али Акбар Велаяти, Ираны цөмийн хөтөлбөрийн асуудлаар хэлэлцээ хийсэн тэргүүлэх төлөөлөгч Саид Жалили, Улс төрийн зөв зохистой зорилгыг тодорхойлох зөвлөлийн нарийн бичгийн дарга Мохсен Резаи, Тегераны засаг дарга Моххамед Багер Галибаф нар зэрэг дөрвөн нэр дэвшэгч уламжлалын байр суурь баримталж байна.Түүнчлэн эдгээр зүтгэлтэнд ойр бие дааж нэр дэвшсэн шуудан, утас, цахилгаан утасны сайд асан Саид Мохаммад Гарази бас төрийн тэргүүний албан тушаалын төлөө тэмцэж байна.

Нэг ч нэр дэвшэгч санал хураалтад оролцсон сонгогчдын 50 хувиас илүү санал авахгүй бол хоёр дахь үе шатны сонгуулийг 6-р сарын 21-нд явуулахаар товлох юм.