ОХУ-ын ерөнхийлөгч Владимир Путиныг Америкийн спортын толгой баянаас 25 мянган ам.долларын бөгж хулгайлсан эзэмшигч нь мэдээлсэн. Харин Путин энэхүү мэдээллийг үгүйсгэж, бөгж хулгайлаагүй хэмээн мэдэгдлээ.

В.Путины хэвлэлийн төлөөлөгчийн мэдээлснээр “Шинэ английн эх орончид” америк хөлбөмбөгийн багийн эзэн Роберт Крафтын буцаан авахыг хүссэн бөгжийг Путин хадгалдаг гэж худал мэдээлэл гэв.

Роберт Крафт болон Владимир Путин нар 2005 онд Санкт-Петербургийн бизнес чуулганы үеэр уулзахдаа 4.94 каратын алмазан бөгжийг зөвхөн сольж зүүж үзсэн гэсэн байна.

Харин 72 настай Роберт Крафт өчигдөр “Би бөгжөө тайлаад Путинд үзүүлсэн. Гэтэл тэр миний бөгжийг зүүгээд л яваад өгсөн. Тухайн үед Цагаан ордны ажилтан Америк-Оросын харилцааг бодоод энэ явдлыг олон нийтэд үнэнээр зарлахгүй байхыг хүссэн” хэмээн мэдээлсэн юм.

Ноён Роберт Крафт бөгжөө эргүүлэн авахыг хүссэр байна. Учир нь түүний бөгж дээр түүний нэр бий гэлээ. Мөн тэрээр алмазан бөгжөө 2005 онд Америк хөлбөмбөгийн аварга шалгаруулах тэмцээний 39 дэх тэмцээнд ялсны дараар шагналд нь авсан байна. Кремлины ажилтан Дмитрий Песковын сэтгүүлчдэд мэдээлснээр бөгжийг гадаадын төлөөлөгчдийн өгсөн бусад бэлгийн адилаар Кремлины номын санд хадгалж байгаа гэжээ.