Хөдөө орон нутагт авто машины осол аваар их гарах болжээ. Тухайлбал, өнгөрөгч хоногуудад Төв аймгийн Сэргэлэн сумын нутагт “Тоёото” автомашин онхолдсоны улмаас 48 настай эрэгтэй амь насаа алджээ. Ням гарагийн тухайд Төв аймгийн Алтанбулаг сумын нутагт Хюндэ маркийн машин онхолдсоноос 50 гаруй насны эрэгтэй хүн амь насаа алдсан байна. Түүнчлэн Хэнтий аймгийн Цэнхэр мандал сумын нутаг дэвсгэрт жийп машин онхолдож 38 настай эмэгтэй амь насаа алджээ. Тиймээс иргэд хамгаалах бүсийг хэрэглэх, хурд хэтрүүлэхээ болих, гэрэлтүүлэг шилжүүлэх асуудалд анхаарч байхыг Цагдаагийн байгууллагаас анхааруулж байна.