Их Британи, Умард Ирландын Нэгдсэн Вант Улсын Ерөнхий сайд, Хөдөлмөрийн Намын дарга асан Тони Блейр Монгол Улсын Засгийн Газрын зөвлөхөөр ажиллахаар боллоо хэмээн Засгийн газар сүржин нь аргагүй мэдээлж байсан үе хэдхэн хоногийн өмнө. Тэгвэл засгийн газарт зөвлөх нэрээр Тони Блейр ядуу буурай орнуудаас хэрхэн мөнгө угаадаг талаар барууны хэвлэлүүд бичиж байна. “Dailymail” сонины нийтлэлийг сийрүүлэн хүргэе.

    Их Британи, Умард Ирландын Нэгдсэн Вант Улсын Ерөнхий сайд, Хөдөлмөрийн Намын дарга асан Тони Блейр Монгол Улсын Засгийн Газрын зөвлөхөөр ажиллахаар боллоо хэмээн Засгийн газар сүржин нь аргагүй мэдээлж байсан үе хэдхэн хоногийн өмнө. Тэгвэл засгийн газарт зөвлөх нэрээр Тони Блейр ядуу буурай орнуудаас хэрхэн мөнгө угаадаг талаар барууны хэвлэлүүд бичиж байна. “Dailymail” сонины нийтлэлийг сийрүүлэн хүргэе.

Бохир мөнгө: Ноён Тони Блейр саяхан Монголын Засгийн газартай удирдагчдад нь сайн засаглал байгуулахад зөвлөх гэрээ хийлээ. Жилээс жилд биш сараас сард Тони Блейр хүчирхэг гүрнээ харийн засгийн газраас дамжуулан системтэйгээр байгуулж буй нэгэн болж байна. Түүний улс төрийн үйл ажиллагаа шиг санагддаг бизнесийн сүлжээний сүүдэр улам харлахыг бид харсаар байх гэж үү? Экс ерөнхий сайдын бохир бизнесийн сүлжээ Лондон дахь Америкийн элчин сайдын яамаас дэлхийн өнцөг булан бүрт хүрэх ёстой гэж үү?

Өнгөрсөн долоо хоногт Тони Блейр бизнесийн мөнгөний сонирхолдоо нэгэн орныг нэмсэн нь Монгол Улс билээ. Төв Азийн орны засгийн эрх баригчдад сайн засаглал явуулахад зөвлөгөө өгөх гэрээ байгуулсан нь учиртай. Тэрээр Засгийн газарт зөвлөгөө өгөх нэрийн дор өөрийн бизнесээ явуулдаг туршлагатай нэгэн.

Тэгвэл Монгол улс түүний бизнесийн тохиролцоо хийдэг газруудтай юугаараа төстэй гэж?
Хариулт нь цүнх дүүрэн мөнгө. Азийн ядуу үндэстэн газар доор нуугдсан зэс, алтны ихээхэн нөөцөөрөө баян орон болохыг зорьж байна. Тони Блейр зөвлөгөө өгөх гэрээ буюу хамтын ажиллагаанаас хэр их мөнгө авах болсноо хэлэхгүй нь мэдээж юм. Гэхдээ бид энэ тоо дэндүү олон сая доллар байх болно гэдэгт итгэлтэй байж болно.
Ядуу буурай орнуудын эрх баригчдаас бохир арга, авлигаар олж авсан мөнгөөрөө хүч чадлын төвд орсон 60 настай эр өөрийгөө олон улсад хамгийн өндөр үнэлэмжтэй төрийн зүтгэлтнүүдийн нэг болгож чаджээ. Түүний нийт хөрөнгийг 60-80 сая фунт стерлинг буюу 94-125 сая ам.доллар хэмээн тооцоолж байна.

Дэлхийн орнуудын засгийн газарт зөвлөгөө өгдөг түүний компани хамтран ажиллагсад болон хэр их мөнгөөр гэрээ хийж буй тухайгаа мэдээлэхээс эрс татгалздаг. "Африкийн засаглалийн санаачилга" “буяны” байгууллагаа 2008 онд байгуулсан тэрээр “Засгийн газрын зөвлөгөөний туршлага” гэх гоё нэртэй компанийг ч байгуулжээ.

Тони Блейр АНУ-ын фирмүүдийн бодлогыг хуулбарлан, Оксфорд, Харвард, Принстон, Массачусеттсын технологийн их сургууль төгссөн шилдэг залуучуудыг өндөр үнэ цохин ажиллуулсаар бизнесээ төвхнүүлсэн юм.

Түүний өнөө сайн засаглал байгуулахад зөвлөх гээд байгаа “Засгийн газрын зөвлөгөөний туршлага” компанийг нь “Windrush Ventures” нэртэй нууц компани удирддаг. Энэхүү нууц компанийн сүүлийн орлогын мэдүүлэг нь 16 мянган фунт стерлинг юм. Бидний ярьж байгаа Тони Блейрийн эзэмшдэг компанийн тоо болон орлогын хэмжээ бол зөвхөн мөсөн уулын орой гэж хэлж болно.

Социалист системээс чөлөөт өрсөлдөөнт эдийн засагт шилжсэн улс орнууд сүүлийн үед түүний гол бай болоод байна. Тэрээр өнгөрсөн гуравдугаар сарын 22-нд Монголд айлчлах үеэрээ гэрээ хийх талаар ярилцаж, аман хэлбэрээр эхний тохиролцоогоо хийжээ.

Ерөнхийлөгчийн сонгуулийн дараа Тони Блейртэй Монгол Улсын Засгийн Газартай албан ёсоор хамтран ажиллаж эхэлнэ.

Тэрээр Албани, Казахстан, Кувейт, Колумби, Бразил улстай ижил гэрээг байгуулж байсан юм. Үүнийхээ төлөө Тони Блейр Казахстанаас 16 саяас багагүй фунт стерлинг авч байсан бол Бразил улс түүнд жилд дөрвөн сая фунт стерлинг төлдөг байсан юм.
Харин Монголоос тэр хэр их мөнгө авахаар тохирсон байна? Тохиролцооны хэмжээ мөсөн уулын орой л гээд бод доо.