АНУ Хойд Солонгосын саналыг зөвшөөрч, дээд түвшний уулзалт хийхээр болсон байна. АНУ Азийн хаагдмал улстай хэлэлцээ хийхдээ тун итгэлтэй байгаа нь үүрэг хариуцлагаа ухамсарлаж буйг илэрхийлж байна хэмээн “CNN” бичжээ. 

АНУ-ын Үндэсний аюулгүйн зөвлөлийн хэвлэлийн төлөөлөгч Кэйтлин Хайден “Бид БНАСАУ-тай үргэлж хэлэлцээ хийх хүсэлтэй байсан” хэмээн мэдэгджээ.

Хойд Солонгос АНУ Солонгосын хойгт энх тайван байдал тогтоохыг хүсдэг бол бидний саналаас татгалзах эрхгүй хэмээн мэдээлж байсан юм. Тус улс Өмнөдтэй сайдын түвшний хэлэлцээ хийхээр тохирсон ч тодорхойгүй шалтгааны улмаас цуцалсан юм.
АНУ-ын Төрийн департмент өнгөрсөн баасан гарагт Япон, Өмнөд Солонгостой хамтран Солонгосын хойгийн асуудлаар гурван талт хэлэлцээ хийнэ хэмээн мэдээлсэн.