УИХ-ын гишүүн Ё.Отгонбаярын дуулиант хэрэгүүдийг шалгаж дуусах яагаа ч үгүй байгаа гэнэ. Учир нь ганцхан дансаар мөнгө шилжүүлсэн, авлигал нэхсэн асуудал биш аж. Өдөр бүр шалгах шинэ асуудлууд урган гарч байгаа бололтой. Мөн Ё.Отгонбаярын хэргүүдийг шалгаж эхлэхээр зарим нэгэн этгээдүүд нэмэлт мэдээлэлүүдийг ч өгч “тусалж” байгаа гэж эх сурвалж мэдээлэв. Тиймээс тэр бүхнийг мухарлах үүрэг хуулийнханд оногджээ. Ингээд Ё.Отгонбаярын гэх хэрэг нилээд удаан хугацаанд шалгагдах нь тодорхой болжээ.

    Хүмүүсийн хамгийн их сонирхож буй асуудал бол түүний эхнэр О.Эрдэнэсолонго 26 данстай байсан явдал юм. Харин эдгээр дансыг Ё.Отгонбаяр хүмүүсээс авлигал нэхэхдээ ашиглаж байсан хэмээн шалгагдаж эхэлжээ. Бүр тийм зориулалтаар ч ээлж дараалан нээлгэсэн байхыг үгүйсгэх аргагүй юм. Учир нь түүнийг барьж өгсөн гэх Х.Цогнойцамж 3Энхтайваны гүүрэн дээр гэгээн цагаан өдрөөр хүмүүст дээрэмдүүлчихлээ. Тэдний дунд УИХ-ын гишүүн Ё.Отгонбаярын багын найз байсан. Түүгээр дамжуулан сайдтай хэд хэдэн удаа уулзсан. Надаас 230 сая төгрөг нэхэж зодлоо. Энэ мөнгийг хий гэж данс өгсөн. Данс нь энэ байна” гэсэн утгатай юм ярьжээ. Ингээд цагдаагийнхан гэгээн цагаан өдрөөр дээрэмдүүлсэн нөхрийг үнэн худлаа ярьж байгаа эсэхийг шалгаж эхэлсэн байна. Тэгээд уг дансны талаарх мэдээлэлийг холбогдох банкнаас автал иргэн О.Эрдэнэсолонгынх болох нь тогтоогджээ. Иргэн О.Эрдэнэсолонго нь УИХ-ын гишүүн Ё.Отгонбаярын эхнэр. Ингээд цагдаагийнхан эрэлийн үзүүрээс чанга гэгч нь бариад авсан байна.
    Яг үнэндээ бол цагдаа мундагтаа хэргийг илэрүүлээгүй нь энэ үйл явцаас харагдана. Гэгээн цагаан өдөр хүнээс мөнгө нэхэж эхнэрийнхээ дансыг өгсөн Ё.Отгонбаяр л өөрөө өөрийгөө бариад өгчихсөн хэрэг. Түүний энэ үйдлийг сонссон зарим нэгэн УИХ-ын гишүүн тэгээд сайд байсан хүн ингэх ч гэж дээ. Арай үгүй байлгүй гээд итгэж өгөхгүй байгаа. Харин хуулийнхан ийм үйл явдал болсныг тайлбарласаар ирэв.
   Үүний зэрэгцээ Ё.Отгонбаярын эхнэрийн бусад 25 дансанд хаанаас хэн гэдэг хүн мөнгө хийснийг нэг бүрчлэн шалгаж байгаа аж. Cонирхолтой нь дансны эзэн О.Эрдэнэсолонго яагаад ийм их мөнгөтэй болсноо тайлбарлаж чадаагүй бололтой. Тиймээс эхнэрийнхээ дансыг бусдад дамжуулдаг УИХ-ын гишүүн Ё.Отгонбаяр тайлбарлаж чадах байх. УИХ-ын бүрэн эрхтэйгээ байгаа гишүүн одоохондоо тайлбар өгч эхлээгүй. Өгөөд эхлэхээрээ нилээд тодорхой тайлбарууд хийх биз. Хамгийн сүүлийн байдлаар О.Эрдэнэсолонгын 26 дансаар 100 орчим сая ам. доллартай тэнцэх хэмжээний мөнгө орж гарч эргэлдсэн тухай мэдээлэл тарсан. Энэ мөнгөний дүн ч цаашид шалгалтын явцад ихээхэн өөрчлөгдөхийг үгүйсгэх аргагүй.
    Мөн хуулийнхан О.Эрдэнэсолонгын дансанаас гадна Ё.Отгонбаярын нэр дээрх данснуудыг ч мухарлаж байгаа гэнэ. О.Эрдэнэсолонго дансанд төвлөрсөн мөнгөө аваад хааш нь хийдэг байсан бэ гэсэн дараагийн сүлжээг тайлахаар эрчимтэй ажиллаж байгаа гэж эх сурвалж мэдээллээ.