Филиппин, АНУ хамтран тэнгисийн цэргийн сургуулилтаа өмнөд Хятадын тэнгист өчигдөр эхлүүллээ. Хамтарсан сургуулилтын нээлтийн үйл ажиллагаа Субик дэх АНУ-ын тэнгисийн цэргийн баазад болжээ.
 
Сургуулилтын зорилго нь хоёр талын тэнгисийн цэргүүдийн практик болон онолын мэдлэгийг баталгаажуулахад оршино хэмээн Филиппиний тэнгисийн хүчний коммандлагч мэдээлсэн байна.

АНУ нь тэнгисийн цэргийн сургуулилтыг Бангладеш, Бруней, Камбож, Индонез, Малайз, Филиппин, Сингапур, Тайланд, Зүүн Тиморын орнуудтай хамтран зохион байгуулж байв.