АНУ-ын Тагнуулын төв газар Иордан луу зэвсэг нийлүүлж эхэлжээ. “Wall Street Journal” сонины мэдээлснээр Иорданд хадгалагдах зэвсгийг ирэх наймдугаар сараас Сирийн босогчид ашиглаж эхлэх аж.

АНУ Иордан луу гурван долоо хоногийн хугацаанд хөнгөн зэвсэг болон танк эсэргүүцэх пуужингуудыг нийлүүлэх юм байна. Мөн хэсэг бүлэг босогчдыг цэргийн тусгай сургуулилтад хамруулж, явуулсан зэвсгийг нь ашиглах бүрэн чадварт суралцуулж байгаа гэсэн байна.

Ерөнхийлөгч Барак Обама Сирийн босогчдод зэр зэвсэг нийлүүлэхийг энэ сарын эхээр зөвшөөрсөн юм. Вашингтон энэ сарын 13-ны өдөр Сирийн Засгийн газрыг химийн зэвсэг ашигласан хэмээн дүгнэснээ мэдээлсэн юм.
2011 онд эхэлсэн Сирийн дайнд 93 мянган хүн амь насаа алдаад байна. Башар Ал Ассадын Засгийн газрыг ОХУ зэвсгээр хангадаг хэмээн сонин мэдээлжээ.