Лондон дахь Эквадорын элчин сайдын яамны байраас нууц микрофон олдсон талаар “AP” агентлаг мэдээллээ. “WikiLeaks” сайтыг үүсгэн байгуулагч Жулиан Ассанжийн хоргодож буй элчин сайдын яамны байраас микрофон олдсон талаар Эквадорын Гадаад хэргийн сайд Рикардо Патино мэдээлсэн байна.

Тэрээр “Микрофоныг байранд нууж, биднийг бүх талаас тагнаж байсан орныг лхагва гарагт илчилнэ” гэсэн байна. Мөн нэрийг нь зарлаагүй улсыг энэ асуудлаар өөрсдөө тайлбар хийхийг шаарджээ.

Микрофоныг Рикардо Патиног өнгөрсөн сарын 16-ны өдөр тус ЭСЯ-нд ирэхээс өмнө элчин сайд Ана Албаны өрөөнд тогтмол шалгалт хийх үед илрүүлсэн байжээ. Тиймээс нууц микрофоны хэрэг АНУ-ын Тагнуулын төв газрын ажилтан асан Эдвард Сноудений орогнол хүссэн явдалтай холбоогүй гэж Гадаад хэргийн сайд анхаарууллаа.