БЗД-ийн гуравдугаар хороонд үл таних хүмүүст эд зүйлээ дээрэмдүүллээ гэх дуудлага цагдаагийн байгууллагад иржээ. Дуудлагын дагуу шалгахад ТОСА худалдааны төвийн хажууд Орхон аймагт оршин суудаг Г-ийн гар утас, 12 мянган төгрөгийг 59 настай Ч нь бусадтай бүлэглэн дээрэмджээ. Мөн БГД-ийн тавдугаар хорооны нэгэн баарны үүдэнд зодоон болж байна гэсэн дуудлагын дагуу эргүүлийн цагдаа нар очиж шалгахад иргэн С-ийг Говьсүмбэр аймагт оршин суудаг Ө гэгч 32 настай эрэгтэй согтуурсан үедээ бүлэглэн зодож, S3 загварын гар утсыг нь дээрэмджээ.