АНУ-ын Тагнуулын төв газрын нууц мэдээллийг илчилсэн Эдвард Сноуденд оронгох таатай боломжууд гарч ирсээр байна. Москва хотын Шерметовын онгоцны буудалд хоргодож буй түүнд Венесуэл улс орогнуулах санал тавьсан тухайгаа мэдээллээ.

Венесуэлийн Ерөнхийлөгч Николас Мадурогийн мэдээлснээр тус улсын Засгийн газар Эдвард Сноуденээс орогнол хүссэн албан ёсны хүсэлт хүлээн авсан байна. Саналыг хэлэлцэж зөвшөөрсөн бөгөөд одоо Сноуденээс хариу хүлээж байгаа гэлээ.

“Хэрвээ Сноуден бидний орогнуулах саналыг хүлээж авах юм бол бид ОХУ-ын Засгийн газартай ч хэлэлцээ хийхэд хүрнэ” хэмээн Венесуэлийн Гадаад хэргийн сайд Элиас Жауа мэдээлсэн байна.

Д.Идэр