Ерөнхий сайд Дмитрий Медведев ОХУ-д ойрын гурван жилд ямар нэгэн шинэ төрлийн татвар гарч ирэхгүй хэмээн танилцуулсан талаар “Итар Тасс” мэдээллээ. Тэрээр энэ сарын аравны өдөр ОХУ-ын Аж үйлдвэр, бизнесийн холбооны зөвлөлийн гишүүдтэй уулзахдаа ингэж ярьсан байна.

Д.Медведевийн хэлснээр ОХУ 2014-2016 оны татварын бодлогоо аль хэдийн тодорхойлсон гэжээ. Тэрээр “Ойрын гурван жилд татварын системийн бүтцэд ямар нэгэн өөрчлөлт гарахгүй бөгөөд шинэ төрлийн татвар гарч ирэхгүй” хэмээн хэлжээ.

Дэд ерөнхий сайд Игорь Шувалов өмнө нь ОХУ-ын татварын систем 2018 он хүртэл өөрчлөгдөхгүй хэмээн мэдээлж байсан юм. Түүний мэдээлснээр “Засгийн газар татварын бодлогод нэгэн төрлийн харилцан буулт хийж байна. Татварыг системийн энэхүү хуулийн төслийг Засгийн газар баталвал Төрийн Дум хэлэлцэнэ” гэжээ. Мөн Засгийн газар жижиг, дунд бизнесийн даатгалын хураамжийг багасгах тухай ч хэлсэн байна.