Татварын байцаагч эмэгтэй 75 удаа хутгалуулж амь насаа алдсан  хэрэг шуугиан тарьж, одоо ч намжаагүй байна. Одоогоор сэжигтэн болох Ц.Туяаг саатуулж, цагдан хорьсон төдийгүй Ц.Туяагийн хамтран амьдрагч болох Д.Батболдоос ч байцаалт авч эхэлсэн талаар бид өмнө нь мэдээлсэн.  Тэгвэл Д.Батболд нь уржигдар батлан даалтад гарсан тухай эх сурвалж мэдээллээ. 

Хэргийг сануулбал, энэ сарын 1-нээс 2-нд шилжих шөнө Чингэлтэй дүүргийн Татварын хэлтэст байцаагчаар ажиллаж байсан Ц.Туяа гэгч мөн хэлтсийн татварын хяналтын байцаагч Э-г 75 удаа хүйтэн мэсээр гэмтээн амь насыг нь бүрэлгэсэн аймшигт хэрэг гарсан билээ.