Грекийн үйлдвэрчний эвлэлийн холбоод энэ жилийн дөрөв дэх том ажил хаялтаа өчигдөр хийлээ. Эсэргүүцэл нь тус улсын Засгийн газар эдийн засгийн бүсээ чангалах бодлогын хүрээнд төрийн албаны ажлын орон тоог олноор танаж эхэлсэнтэй холбоотой юм.

Зуны халуун нарнаас болгоомжлон малгайгаар жигдэрсэн 1000 гаруй иргэн Засгийн газрыг шүүмжлэн хүн 24 цагийн ажил хаялтад оролцсон нь олон тооны нислэг цуцлагдаж, нийтийн тээвэр, эмнэлэг болон бусад нийгмийн үйлчилгээ саатахад хүргэсэн байна.

Хэдийгээр ажил хаялтын жагсаал тайван болж өндөрлөсөн ч зохион байгуулагчид Засгийн газрыг эрс эсэргүүцсэн байр суурьтай байна. Тэд “Эрх баригчид та нар олон улсын томоохон байгууллагуудыг зусардаж, ард түмнийг сэтгэл санааны хувьд дарамталж бидний амьдралыг устгасан” хэмээн хашгирч байжээ. Мөн “Бидний тэвчээрийг бүү шалга. Бид өлсгөлөн, ажилгүй бас ядуу амьдарч байна. Бид юугаа ч алдахаас айхгүй” хэмээжээ. Энэхүү томоохон ажил хаялтыг үндэсний хэмжээний жагсаалын эхлэл хэмээн үзэж байна.

Ажлын байрыг танаснаар Грекийн ажилгүйдлийн түвшин 27%-д хүрээд байгаа юм. Хэрвээ Засгийн газар 2014 оны төгсгөл гэхэд 15 мянган ажлын байрыг танаж яадвал Олон улсын валютын сан болон бусад улсуудаас зээлээ үргэлжлүүлэн авах боломжтой үлдэх юм.