БНХАУ дэлхийн хамгийн бүтээлч орнуудын нэг болох тухай барууны хэвлэлүүд бичжээ. Гэхдээ тэд энэ удаа сөрөг бүтээлч сэтгэлгээг хөндсөн байна. Хятад улс дуураймал буюу хуурамч бүтээгдэхүүнээрээ алдартай. Үнэтэй брэнд, DVD, iPhone гээд тус улсад хуурамчаар үйлдвэрлэхгүй зүйл гэж ховор аж. Бүр дуураймал бүтээгдэхүүнийг борлуулдаг “Apple”-ийн хуурамч дэлгүүр ч байдаг хэмээн “BBC” нийтэлсэн байна. 

Тэгвэл Хятадын компаниудын барилга башйинг ч дуураймлаар барьдаг болсон талаар дэлхийн томоохон агентлагуудын нэг хөндсөн байна. Хятадууд Лондонгийн цамхагт гүүр, Парисын Эйффелийн цамхаг, Темза мөрөн гээд дэлхийд алдартай олон байгууламжийг дуйраамлаар босгосныг фото зургуудтай нь хамт хүргэе.
1.    Лондонгийн Темза мөрний ойролцоох бодит дүр төрхийг хадгалсан дуураймал Темза. Хятадын Сонжиан дүүрэг. Энд Уинстин Черчилийн хөшөө ч бий.
2.    Австрийн “Hallstat”-ын нэгэн хувилбар Хятадын тосгонд.
3.    Парисын Эйффилийн цамхаг Бээжинд
4.    Францын “Chateau de Maisons” Бээжингийн захад.
5.    Венец хотын нэгээхэн хэсгийн хятад хувилбар Хятадад.
6.  АНУ-ын Цагаан ордон, Capitol-той адилхан загвартай барилга Хятадын орон нутгийн тамгын газар аж.
7.    Лондонгийн цамхагт гүүр Шузоу хотод.
8.    Дэлхийн алдартай “Stonehenge” зүүн Хятадын тосгонд.

Тэд яагаад байшингаас эхлээд энгийн хэрэглээ хүртэлх барууны бүхнийг хуулбарлах болов? Энэ нь барууны тансаг хэрэглээг өөрийн оронд нутагшуулснаар тэндхийн аж амьдрал, хэрэглээнд суралцахаас гадна гайхамшигт зүйлүүдийг заавал гадаад руу хөрөнгө зарж үзэх биш өөрсдийн гараар бүтээснийг үзэх боломжтой хэмээн ихэнх хятад иргэд хариулсан байна.