Японы зорчигчид нэгэн эмэгтэйн амийг аврахын тулд 32 тонн жинтэй галт тэргийг түлхэж, байрнаас нь хөдөлгөсөн тухай эх сурвалж мэдээллээ. Даваа гарагийн өглөө ажилдаа яарсан зорчигчдийн шахцалдсан хөдөлгөөн дунд нэгэн эмэгтэй галт тэрэг, тавцан хоёрын дундах 20 см-ийн зайд унасан байна.

   Эмэгтэй унаж гацсан тухай олон нийтэд зарлахад гэлт тэргээр үйлчлүүлсэн 40 гаруй хүн тэр даруйдаа туслахаар цугларчээ.

Энэхүү хүн чанартай баатарлаг үйлсийг Японы “Yomiuri” сонины зурагчин сурвалжилснаар тус улсад онцгой мэдээлэл болон тархсан байна. Японы хамгийн олон уншигчтай өдөр тутмын сонингийн мэдээлснээр халуун сэтгэлт хүмүүс албаны хүмүүстэй хамтран галт тэргийг түлхсэнээр галт тэрэгний түр зогсох систем өөр шугам руу холбогджээ. Ингэснээр завсарт унасан эмэгтэйг татан гаргаж, амийг нь аварсан байна.

Токио хотын “Минами-Урава” зогсоол дээр амиа алдах шахсан 30 орчим насны эмэгтэй олон түмэнд талархсан ч нэрээ хэлэхийг хүсээгүй байна.

   Энэхүү явдлаас болж галт тэрэг хуваарьтай цагаасаа найман минутын хойно хөдөлжээ.