Энэ сарын эхээр Канадын Куэбэк хотод галт тэрэг осолдож олон хүн амиа алдсан билээ. Тэгвэл энэхүү явдлын дараагаас Канадын эрх баригчид төмөр замын эрх зүйн зохицуулалтаа чангатгахаар шийдсэн байна.

Тус улсын Нийтийн тээврийн газраас аюултай ачаа тэээвэрлэж буй ямар ч галт тэрэг багадаа хоёр оператортай байх ёстой бөгөөд гол зам дээр эзэнгүй орхихыг хориглох заалт гаргажээ. Энэ мэт зохицуулалт дээд түвшинд ч яригдаж байгаа аж.

Долдугаар сарын зургааны өдөр Куэбэк хотын Лак Мегантик тосгонд газрын тос тээвэрлэж явсан галт тэрэг замаасаа гарсны улмаас машинтай мөргөлдсөн юм. Ингэснээр томоохон хэмжээний дэлбэрэлт үүсч 47 хүн амиа алдсан билээ.

Д.Идэр