Гэмт хэргийн “Аль Кайда” бүлэглэл Иракын хоёр шоронгоос олон зуун хоригдол оргуулсан гэдгээ хүлээн зөвшөөрчээ. Тус бүлэглэлийн мэдэгдэлд шоронгууд руу халдсан нь өөрсдийн хоригдлуудаа суллах ажлын нэг хэсэг байсан гэжээ.

Нийслэл хотын баруун хэсэгт байрлах Абу Грайб, хойд хэсэгт орших Тажи шоронгууд халдлагад өртсөн юм. Сайтар зэвсэглэсэн террористууд шөнийн 21:30 цагийн орчимд дайралтаа эхлүүлснээр 500-аад хоригдол оргосон билээ.

Халдлагын үеэр нийтдээ 20 гаруй хамгаалалтын ажилтан амиа алджээ. Буутай бүлэг этгээдүүд шоронгийн хамгаалалтыг эвдэж нэвтрэхийн тулд бөмбөг дэлбэлж, мина харвасан юм.