Нийслэл хотод өнгөрсөн хоногийн хугацаанд объектын гал түймэр 1, гал түймрийн зөрчил 3, зам тээврийн ослын 1 дуудлага гарч нийслэлийн Аврах анги, харъяа дүүргийн Онцгой байдлын хэлтэс, Аврах, гал унтраах ангийн бүрэлдэхүүнийг гаргаж шуурхай арга хэмжээ авхуулж ажиллажээ. Тухайлбал, Чингэлтэй дүүргийн 19 дүгээр хороо, Жигжидын зуслангийн задгайд жорлон, хашаа шатаж байна гэсэн дуудлагаар Аврах, гал унтраах 34 дүгээр ангийн тасгийг гаргахад айлын хашаанд жорлон шатаж байсныг унтраажээ.  Мөн Хан-Уул дүүргийн 10 дугаар хороонд дизелийн түлш ачсан автомашин үерийн даланруу унаж шатахуун нь асгарсан хэрэг гарчээ. Улмаар Аврах гал унтраах 30 дугаар ангийн тасгийг хамгаалтанд, Аврах ангийн Аврах шуурхай салбарын бүлгийг аврах ажиллагаанд гаргахад 3 тонн шатахуун ачсан Киа загварын бага оворын бензин, шатахуун ачих зориулалтын автомашин унасан байсныг шатахуун шилжүүлэн ачих болон өргөгч кран автомашинуудыг дуудуулж, дизелийн түлшийг шилжүүлэн ачиж машиныг кранаар өргөж гаргасан байна.