"Жаст"-ын Г.Батхүү цаг үеийн асуудлаар мэдээлэл хийлээ. Тэрээр "Стандарт" банкнаас авсан 180 тэрбум төгрөг болон Засгийн газрын бондын хөрөнгөөс зээлсэн мөнгөө Олон Овоотын алтны төсөлд хэрэглэсэн аж. Харин Олон Овоотоос алт гарахгүйгээс болж төсөл нь бүтэлгүйтжээ. Тус орд нь анх Ц.Мянганбаярынх байсан байна. Ц.Мянганбаяр Ш.Батхүүтэй гэрээ хийхдээ Олон овоотын алтны ордыг 18.5 тонн алтны нөөцтэй  гэж хэлж байжээ.

Гэтэл тус ордод хоёр жилийн хугацаанд олборлолт хийхээд алт гарч ирээгүй байна. Тиймээс Ш.Батхүү Африкийн орноос эрдэс баялагийн нөөц тогтоодог байгууллагынханд хандаж Олон овоотын нөөцийг тогтоолгоход тус орд нь 18.5 тонн биш 4 тонны алтны нөөцтэй байжээ.

Одоо 4 тонн алтыг гаргахаар олборлолт хийвэл ашгаасаа илүү зарлага гарахаар байгаа хэмээн Ш.Батхүү хэллээ. Ингэж тэрээр Ц.Мянганбаярын үгэнд итгэн гадаадын банкнаас их хэмжээний мөнгө зээлж Олон овоотын алтны нөөцөд зарцуулсан нь түүнийг дампуурахад хүргэжээ. Ш.Батхүү "Ц.Мянганбаяртай хамтарч ажилласан нь миний хамгийн том алдаа боллоо. Хэрвээ Олон овоотоос алт гарсан бол бүх зээлээ төлчих байсан" гэж хэлсэн юм. 

Бүх мөнгөө зарцуулсан Олон овоотын  төсөл нь ингэж бүтэлгүйтнээс болж Ш.Батхүү “Жаст ойл” компаниа “Магнай трейд”-д, “Олон овоот”-оо Г.Алтанд, “Жаст агро”-гоо татан буулгаж, “Хадгаламж” банкиа Төрийн банкинд нэгтгэжээ. Түүнчлэн “Стандарт” банкнаас авсан зээлээ зориулалтын банкнаас аваагүй гэнэ.  "Жаст" группээ зарсан бөгөөд "Хадгаламж" банкаа ч алдсан байна. Тэрээр одоо ямар ч хувийн бизнесгүй болсон аж. Харин Засгийн газрын бондоос зээлсэн мөнгөө "Жаст" группийн охин компаниудаараа төлсөн гэнэ.