Хоёр зуун юаны маргаанаас болж 11 хүн амиа алдсан харамсалтай хэрэг өнгөрсөн баасан гарагт Хятадын Хайлун хотод гарсан тухай "Синхуа" агентлаг мэдээллээ. Хөгшчүүлийн асрамжийн газар амьдардаг 45 насай Ван Луй гэгч хамт амьдардаг хүнээ 200 юань хулгайлсан хэмээн сэрдсэн байна. Тэрбээр мөнгө нь алга болсонд маш их уурласан бөгөөд сувилагч нар ч түүнийг тайвшруулж чадаагүй аж. Ван баасан гарагийн орой өрөөндөө гал тавьж, дэлбэрэлтэд 10 хүний амь үрэгдсэн бөгөөд өөрөө ч харамсалтайгаар нас баржээ.

Нас барсан хүмүүс бүгд 45-87 насны асрамжийнхан байсан аж. Асрамжийн газар нэгэнт шатсан учир үлдсэн 32 хүн амьдрах газаргүй болж хохирчээ.

   Өчүүхэн маргаанаас болж амиа алдсан Ван нь тэдний хамгийн залуу нь байсан ч нэг ч хүн эргэж ирдэггүй байсан тухай сувилагч нар ярьсан байна.