Чингэлтэй дүүргийн татварын байцаагч бүсгүйг 75 удаа хутгалж онц хэрцгийгээр хөнөөсөн хэрэг гараад хэсэг хугацаа өнгөрлөө. Хэргийг Улсын мөрдөн байцаах газарт шалгаж байсан бөгөөд мөрдөх ажиллагаа дуусч, яллах дүгнэлт үйлдүүлэхээр Нийслэлийн прокурорын газарт шилжүүлжээ. Хэргийг сөхвөл Чингэлтэй дүүргийн татварын хэлтэст ажиллаж байсан Э гэх эмэгтэйг Т гэгч нь хардалт, өш хонзонгийн сэдэлтээр 75 удаа хутгалж хөнөөсөн байдаг. Т-гийн хувьд 25 жил хүртэлх ял авах магадлалтай байгаа юм. Харин хоёр бүсгүйн дурлалт залуу  Д.Батболд гэгч батлан даалтад гараад байгаа билээ.