Өчигдөр орой Пакистаны Dera Ismail Khan хотын шорон руу талибууд дайрч хоригдлуудыг оргуулжээ. Хотын оршин суугчдын хэлснээр шөнө дундын үед шоронгийн гадаа бөмбөг дэлбэлж, машинтай хүмүүс буугаар шүршсэн байна. Тэд шоронд хоригдож байсан найз, танилуудынхаа нэрийг дуудаж, цагаан хоолойгоор орилж байжээ.
   Талибуудын төлөөлөгч Шахиудуллах Шахидын хэлснээр тэд өнгөрсөн шөнө 300 гаруй хоригдлыг сулласан бөгөөд энэ хэргийг зохион байгуулсан гэдгээ хүлээн зөвшөөрсөн байна. Харин халдлагад өртсөн шоронгийн дарга 40 гаруй онц, хүнд гэмт хэрэгтн зугтаасан болохыг мэдээлжээ.

  Энэ үйл явдал Пакистаны улс төрчид тус улсын шинэ ерөнхийлөгчийг сонгохоос хэдхэн цагийн өмнө болсон байна. Асиф Али Зардаригийн оронд Пакистаны муслимын лигээс нэр дэвшин сонгуульд өрсөлдсөн Мамнүүн Хусейн  парламентийн гишүүд болон, мужийн зөвлөлийн гишүүдийн олонхийн саналыг авч Ерөнхийлөгчөөр сонгогдоод байгаа юм.