Өмнөд Солонгос улс авлигын гэмт хэрэгт холбогдсон төрийн албан хаагчдын шийтгэлийг чангатгахаар болсон байна. Энэ тухай хуулийн төслийг сайд нарын танхим өнгөрсөн даваа гарагт хэлэлцсэн бөгөөд олонхи нь дэмжсэн байна.

Хуулийн төсөл батлагдвал тус улсад авлига авсан төрийн албан хаагчид гурван жил хүртэл шоронд хоригдох ял эсвэл 30 сая воны (27 мянган ам.доллар) хэмжээтэй торгууль төлүүлэх юм.

Мөн өөрийн үүрэгт ажилд хамааралгүй үйлчилгээнд хахууль авсан албан тушаалтан нь авсан авлигын хэмжээнээс тав дахин илүү торгууль төлөх аж.

Хуулийн төслийг энэ сард Өмнөд солонгосын Үндэсний хурлаар батлуулахаар өргөн барих юм.

Тус улсад Иргэний эрхийн болон авлигын эсрэг хорооноос явуулсан санал асуулгад оролцогчдын 56.7 хувь нь төрийн албан хаагчдыг авилгачид гэж үздэг байна.