Японы дэд Ерөнхий сайд Таро Асо даваа гарагт хийсэн шуугиант тайлбараа эргүүлэн татахыг хүсч буйгаа илэрхийллээ. Тэрээр 1930-аад оны эхээр германчууд Веймарын БНУ-ын үндсэн хуулийг өөрчилсөн туршлагыг судлах санал дэвшүүлсэн юм.

Даваа гаригт Таро Асо “Германы Веймарын үндсэн хуулийг мэдэгдэлгүйгээр өөрчилсөн. Эдгээр өөрчлөлтүүдийг хэн ч мэдээгүй байсан. Энэ туршилгыг судлах нь хэрэгтэй” хэмээн хэлсэн нь олон улсад ихээхэн шуугиан тарьсан байна. 

Харин өчигдөр дэд Ерөнхий сайд Таро Асо “Би Өмнөд Солонгос болон Хятадад маргаантай асуудал болж буй нацистуудыг иш татан хэлсэн тайлбараа буцаахыг хүсч байна. Та бүхэн миний өмнө хийсэн тайлбаруудаас нацистуудтай холбоотой үйлд явдалд сөрөг ханддаг гэдгийг маань анзаарах биз” хэмээн хэлжээ.

Мөн Засгийн газрын Ерөнхий нарийн бичгийн дарга Ёшихиде Суга “Би Ерөнхий сайд Шинзо Абэгийн танхим нацистын Засгийн газрыг хэзээ ч сайнаар харж үлгэрлэхгүй гэдгийг баталгаажуулж байна” хэмээн тайлбар хийсэн байна.

Таро Асогийн даваа гаргийн мэдэгдэл Азийн орнуудад нацистын Веймарын үндсэн хуулийг эргэн харах гэдэг нь Дэлхийн нэгдүгээр дайны үр дүнд тогтоосон Германы зэвсэгт хүчний хэмжээг хязгаарлахаас татгалзана гэсэн утгатай хэмээх маргааныг өрнүүлсэн юм.