АНУ Тагнуулын төв газрын мэдээллийн ажилтан асан Эдвард Сноуденд орогнол олгосон ОХУ-ын шийдвэрт ихээхэн дургүйлхэж байгаа тухай мэдээллээ. Өчигдөр орой мэдээлэл цацагдсанаас хойш Цагаан ордон ирэх сард Ерөнхийлөгч Барак Обама болон Владимир Путин нарын уулзалтыг товлохоор хэлэлцэж байна.

АНУ одоо ч хүртэл Сноуденийг нууц мэдээлэл илчилсэн хэргээр шилжүүлэн авах хүсэлтэй байгаа юм. Харин зургаадугаар сарын 23-аас хойш анх удаа онгоцны буудлаас гарч буй Сноуден ОХУ-ын эрх баригчдад талархаж буйгаа илэрхийлж, АНУ-ыг түүний эрхэд халадж байна хэмээн буруутгажээ.

Москва, Вашингтон хоёр Сирийн мөргөлдөөнөөс эхлээд олон асуудалд тохиролцоонд хүрч чадахгүй байсны дээр Сноуденд орогнол олгосон хэрэг харилцааг муутгаж мэдэх юм хэмээн барууны хэвлэл бичжээ.
Эдвард Сноуден АНУ-ын Үндэсний аюулгүй байдлын агентлаг олон мянган америкчуудын утасны яриаг хэрхэн тагнаж байсан тухай мэдээллийг хэвлэлүүдэд илчилсэн юм.

Д.Идэр