Өчигдөр Сирийн Хомс хотын зэвсгийн агуулахад пуужингийн дайралт хийснээр багадаа 40 хүн амиа алджээ. Олон нийтэд цацсан бичлэгээс үзвэл томоохон хэмжээний дэлбэрэлт болсон байна.

Засгийн газрын хяналтад байдаг бүс нутагт бид пуужин илгээсэн хэмээн Сирийн чөлөөт арми мэдээлсэн байна. Энэ нь Ерөнхийлөгч Башар Ал Ассадын 2011 онд эхэлсэн иргэний дайнд Засгийн газар илт ялна гэсэн мэдэгдлийн хариу байж болох юм.

Сарын өмнө Засгийн газрын цэргүүд Хомс хотоос босогчдыг шахан гаргасан бөгөөд өнгөрсөн даваа гарагт бас нэгэн дүүрэгт ийм ажиллагаа хэрэгжүүлсэн нь Чөлөөт армийнхны дургүйцлийг хүргэсэн гэлээ.
Дэлбэрэлтэд амиа алдагсдын тоо нэмэгдэнэ хэмээн үзэж байна. Учир нь зуу гаруй хүн шархадсаны ихэнхийнх нь биеийн байдал муу байгаа аж.
Хоёр жилийн өмнө эхэлсэн Сирийн иргэний дайнд 100 мянга гаруй хүн амиа алдсан хэмээн НҮБ-аас тайлагнасан билээ.