Баянгол дүүргийн нутаг дэвсгэрт үйл ажиллагаа явуулдаг “Тоса” худалдааны төвд тарваганы боодог нэрээр муурны мах зарж байсан дөрвөн хүнийг цагдаагийнхан баривчилсан. Тэд муурны махыг тарваганы тос, өөхтэй хольж, тарваганы боодог хэмээн том жижгээс нь хамааран 60-70 мянган төгрөгөөр зардаг байсан нь илэрчээ гэх мэдээлэл өнгөрсөн долоо хоногийн эцсээр цацагдах болсон. Тэгвэл энэхүү мэдээллийн талаар ЦЕГ-ын хэвлэлийн төлөөлөгч Н.Төгсбаяраас тодруулахад "Муураар боодог хийж түүнийгээ тарваганы боодог гэж зарсан зүйл огт байхгүй. Гадуур худал мэдээлэл цацагдаад байна. Цагдаагийн байгууллагаас ч ийм хэрэг шалгаагүй" гэв.