ШШГЕГ-ын харьяа 441 дүгээр ангиас энэ сарын 1-2-нд шилжих шөнө хүчингийн хэргээр ял эдэлж байсан оргодол оргожээ.  Энэ талаар ЦЕГ-ын хэвлэлийн төлөөлөгч Н.Төгсбаяраас тодруулахад,  "өнгөрсөн сарын 25-ны өдөр Баянгол дүүргийн 20 дугаар хороо ШШГЕГ-ын харьяа Цагдан хорих 461 дүгээр ангиас хүчингийн гэмт хэрэгт шалгагдаж байсан Говьсүмбэр аймгийн харьяат эрхэлсэн тодорхой ажилгүй сэжигтэн этгээдийг, ШШГЕГ-ын харьяа Цагдан хорих 461 дүгээр ангиас оргосон сэжигтнийг УМБГ, ЭЦГ, НЦГ болон ШШГЕГ-ын алба хаагчид эрэн сурвалжлах ажиллагаа явуулснаар гурван хоногийн өмнө барьсан.

Харин Чингэлтэй дүүрэгт байх хүнсний дэлгүүрт хоёр эмэгтэй худалдагчийг байхад маск, саравчтай малгайтай орж ирж айлган сүрдүүлж орлогын бэлэн мөнгийг нь дээрэмдсэн хэрэгт ШШГЕГ-ын хорих ангид ял эдэлж, хоригдох хугацаандаа гадуур ажил хийж байсан хоёр ялтныг холбогдуулан шалгаж байгаа. Эдгээр хоригдлуудын хувьд оргоогүй зөвхөн ажил хийх явцдаа дэлгүүр дээрэмдсэн байж болзошгүй байгаа юм.

Эрүүгийн байцаан шийтгэх хуулийн 190.1 дүгээр зүйлд "Гэмт хэрэг гарахад нөлөөлсөн шалтгаан нөхцлийг тогтоомогц хэрэг бүртгэгч, мөрдөн байцаагч, прокурор нь зохих хуулийн этгээдэд тэрхүү шалтгаан нөхцлийг арилгах арга хэмжээ авахуулахаар мэдэгдэл бичиж хуулбарыг хавтаст хэрэгт хавсаргана" гэж заасны дагуу гэмт үйлдэл гарах шалтгаан нь телекамераар тавих хяналт хангалтгүй, ангийн дотоод зохион байгуулалт, харуул хамгаалалтын ажилтнуудын тавих хяналт сул, хангалтгүй байгаа зэрэг нь уг гэмт хэрэг гарахад нөлөөлсөн дээрх шалтгаан нөхцлийг арилгах, дахин гэмт хэрэг үйлдэгдэхээс урьдчилан сэргийлэх талаар УМБГ-аас дээрх зөрчлийг арилгуулах тухай албан мэдэгдлийг ШШГЕГ-т хүргүүлсэн" гэв.