ОХУ ирэх есдүгээр сард Протон-М пуужингуудыг хөөргөж магадгүй хэмээн Оросын Сансар судлалын Роскосмос агентлаг мэдээллээ. Роскосмосын дэд дарга Александр Лопатины мэдээлснээр шаардлагатай ажлууд амжиж дуусвал пуужингуудыг есдүгээр сараас эхлэн хөөргөнө гэсэн байна. 

Тэрээр “Нэг пуужинг гурван долоо хоногт хөөргөх ёстой тул төлөвлөсөн бусад пуужингуудыг хөөргөхөд энэ жилийн 12 сар хүрч мэднэ” хэмээн хэлсэн байна. Харин агентлагийн дарга Владимир Поповкины мэдээлснээр хамгийн эхэнд хөөргөсөн Протон пуужин үл таних хиймэл дагуулыг зөөвөрлөх болно гэжээ.

Өнгөрсөн баасан гарагт Ерөнхий сайд Дмитрий Медведев Поповкинтой уулзаж үүрэг өгсний дараа тэрээр энэ мэдээллийг хийлээ.