Япон улс Дэлхийн хоёрдугаар дайнаас хойш хамгийн том хөлөг онгоц бүтээснээ өчигдөр нээлээ. “Изумо” хөлгийг байлдагч хөлөг онгоцны дайралтын эсрэг болон хилийн бүсийн ажиглалтад ашиглах аж.

Эрх баригчдын мэдээлснээр хөлөг онгоцны нислэгийн тавцангийн урт 250 м бөгөөд есөн нисдэг тэргийг хангалттай зөөвөрлөж чадна гэцгээж байна. Мөн Японы батлан хамгаалахын салбарт хүчин зүтгэхээс гадна 2011 оны цунами шиг байгалийн томоохон гамшиг тохиолдоход олон тооны ард иргэд, нөөцийг тээвэрлэх боломжтой гэжээ.

Олон улсын ажиглагчид Японыг ийм том хөлөг онгоц нээснийг Хятадтай маргаантай байгаа арлын асуудалтай холбон үзэж байна.