Япон улс Хятадын хөлөг онгоцууд маргаан үүсгэсэн арлуудын ойролцоо орших бүст цөмрөн орсонтой холбогдуулан БНХАУ-ын элчин сайдыг дуудсан тухай “Франс Пресс” агентлаг мэдээллээ. 

Хятадын хөлөг онгоцууд Сенкаку арлуудад өчигдөр ойртож, өнөө өглөө хүртэл тэнд байсныг Японы Гадаад хэргийн яам нь мэдээлсэн байна. Өнгөрсөн онд арлын асуудал хурцдаснаас хойш Хятадын хөлөг онгоцууд мөн бүст урьдынхаас удаан байсныг ажиглагчид онцолсон байна.

2012 оны дундуур Японы засгийн газраас эдгээр арлыг улсын мэдэлд авах тухай зарлан мэдээлсний дараа БНХАУ, Японы хооронд нутаг дэвсгэрийн асуудал хурцдсан юм. Сенкаку арлуудын талаарх эрхээ ямар ч хэрэгслээр хамгаалахад бэлэн байна гэж үүний хариуд БНХАУ мэдэгджээ.