Бидний хоол хүнсэндээ өдөр тутам хэрэглэдэг зарим бүтээгдэхүүнүүд хамгийн хортой хоолны жагсаалтанд оржээ. "Time" сэтгүүл эрдэмтдийн судалгаанд дээр үндэслэн энэ жагсаалтыг гаргасан бөгөөд АНУ-аас эхлээд Монголд хүртэл дэлгэрээд байгаа Hot dog тэргүүлсэн байна.
Hot dog бол энгийн хэрэглээнд байдаг түргэн хоол. Монголд ч тэр дэлхийн өнцөг булан бүрд тархсан амтат зууш. Гэсэн ч АНУ-ын хэсэг эрдэмтэд энэ бүтээгдэхүүх хүүхдэд, ялангуяа арваас доош насны хүүхдүүдэд муу нөлөөтэй гэдгийг баталжээ. Учир нь hot dog-нд хахаж эмнэлэгт хүргэгдсэн хүүхдүүдийн тоо өдрөөс өдөрт өсч байгаа аж. Тиймээс хамгийн түрүүнд Hot dog-ны хэлбэрийг өөрчлөхийг шаардсан байна. Олон зуун жил дэлхий нийтээр хэрэглэж ирсэн энэ бүтээгдэхүүний шинэ хэлбэр ямар байх нь сонирхол татаж байгаа юм.
Японы фугу загас бол хүнсэнд хэрэглэдэг хамгийн хортой загас. Нэг загасны ходоодонд гэхэд 30 хүний аминд хүрэхүйц хор агуулагддаг гэнэ. Загасыг зөвхөн туршлагатай тогооч нар л хоолонд бэлддэг бөгөөд хэрэв хорыг маханд шингээвэл түүнийг идсэн хүн тэр дороо амьсгал хураадаг. Гэсэн ч энэ эрсдлийг үл тооцон япончууд жилд 10 мянган тонн фугу загас идэж байна. Бас дээр нь нэг таваг фугу загасны мах 200 доллар хүрдэг гээч.
Африкийн зүүн хэсэгт ургадаг амтат аckee жимс хортой хоолны жагсаалтанд ордог. Энэ жимсний хар үр нь hypoglycin гэдэг хорт бодис агуулдаг. Гүйцэт боловсорсон тохиолдолд л үрийг жимснээс нь салгаж идэх боломжтой.
Бидний идэх дуртай газрын самар энэ жагсаалтанд орсон нь сонин. Гэхдээ энэ самар бүх хүнд хортой биш. Зөвхөн дэлхийн хүн амын нэг хувийг эзэлдэг газрын самрын харшилтай хүмүүст хортой. Гадуур хооллохдоо найрлагыг нь анзаараагүйгээс самрын тостой хоол идсэнээс амиа алдах хүүхдийн тоо буурахгүй байгаа аж.
Тэгвэл байгалийн гаралтай, органик ногоон навч хүртэл хортойд тооцогджээ. Сонирхолтой нь ногоон навчны орц, найрлагаас биш хэрэглэгчдийн ариун цэвэр сахиагүйгээс хортой хоол болж орхидог байна. Үйлчлүүлэгчид ресторанд орохдоо ногоон навчыг махтай хольж идэхийн тулд гараараа барьж иддэг. Бохир гараараа барьж идсэнээс гэдэсний халдварт өвчин, суулга тусах нь их байдаг байна.
Европчууд бялуу хийхэд хэрэглэдэг, монголчууд жимсний чанамал хийдэг гишүүнэ. Харин энэ ургамлыг чанаж хэрэглэхгүй бол хорт бодис агуулдаг болохыг АНУ-ын эрдэмтэд сануулжээ.
Сэтгэгдэл (1)