БНХАУ-ын Валентины баярын өдөр ойртож байна. Энэхүү арга хэмжээтэй холбогдуулан франц үнсэлтээр үнсэлцэхгүй байхыг холбогдох албаныхан анхааруулсан талаар “Chinapost” мэдээллээ.
 
Шүдний эмчилгээний гэр бүлийн холбооны мэдээлснээр франц үнсэлтийн үед амны хөндий бохирдох эрсдэл маш их гэжээ. Тэдний судалгаагаар франц үнсэлтээр үнсэлцэх үед 250 төрлийн бактери хамтрагчид нь халдварладаг байна.  Нэг куб см шүлс нь 100 мянгаас илүү бактер агуулдаг аж.

Хятадууд сарны тооллоор жил бүрийн долоо дахь сарын долоо дахь өдрийг Гэгээн хайрын баярын өдрөөр зарладаг байна. Энэ жилийн Валентины баяр маргааш буюу 8 сарын 13-ны өдөр тохиож байна.