Өнгөрсөн дөрөвдүгээр сард БНХАУ-ын Шинжаан Уйгурын нутагт бослого гарсан билээ. Энэ хэрэгтэй холбогдуулан Хятадын эрх баригчид Уйгурын хоёр иргэнд цаазаар авах ял оноож, мөн гурван хүнийг олон жил шоронд хорихоор болсон тухай эх сурвалж мэдээллээ. 

“Сяньхуа агентлагийн мэдээлснээр Уйгурын хэт даврагч бүлэглэлийн тэргүүн Муса Хесенийг террорист үйл ажиллагаа зохион явуулсан хэрэгт буруутгаж даваа гарагт цаазаар авах ял оноолоо хэмээн бичжээ. Харин цаазаар авах ял авсан өөр нэгэн яллагдагч нь түүний хамтрагч Рехмэн Хупур хэмээн мэдээлсэн байна.

Дөрөвдүгээр сарын 23-нд болсон Уйгур болон Хятадын Хан үндэстний хоорондох мөргөлдөөний үеэр Уйгурын бүлэглэлийн зургаан гишүүн амиа алдсаны хариуд бослогыг толгойлогч Муса Хесен цагдаагийн 15 албан хаагчийг хөнөөж шатаасан хүн шүүх мэдээлсэн байна.

Дээрх хоёроос гадна мөргөлдөөн орлцосон гурван уйгур хүнд есөн жилийн хорих ял оноожээ.

“АП” агетнлаг эл асуудлыг сурвалжлахаар ял оноосон Кашгарын шүүхтэй холбогдсон ч тайлбар хийхээс татгалзсан гэжээ.
Тухайн үед мөргөлдөөнд оролцсон үндэстний цөөнхөөс 19 хүнийг баривчлан шалгаж байгаа юм байна. Тэднийг мөргөлдөөний үеэр хийсэн бичлэгээс үймээн самуунд оролцож, террорист үйл ажиллагаа явуулсан гэдгийг нотолсны үндсэн дээр баривчилсан хэмээн эрх баригчид мэдээлжээ.

Өнгөрсөн дөрөвдүгээр сарын 23-нд болсон мөргөлдөөн нь эрх баригчид хийгээд үндэстний цөөнх уйгурчуудын хооронд болсон хэд хэдэн мөргөлдөөний нэг байсан юм. Хятадын Хан үндэстэн Уйгурын нутгийг эзэмшсэнээс хойш үндэстний цөөнхийг хэт дарладаг учраас үе үе бослого гардаг хэмэн барууны хэвлэл бичжээ. Харин тэднийг Хятадын эрх баригчид террористууд хэмээн дүгнэдэг гэлээ.