Германы канцлер Ангела Меркель амралтынхаа дараа сонгуулийн сурталчилгаагаа сэргээсэн тухай эх сурвалж мэдээллээ. Тэрээр өчигдөр буюу Берлиний ханыг босгосны 52 жилийн ойгоор Альпийн нурууны бүс нутгийн сургуульд түүхийн хичээл орсон байна.

Хатагтай Ангела Меркель Зүүн Германы Генрих Шлиманы нэрэмжит дунд сургуульд зочилж сурагчидтай санал бодлоо хуваалцжээ. Тэрээр 1961 онд буюу түүнийг сургуульд орсон анхны жил Германыг хувааж хилийг хаахад ямархуу байсан тухай дурсамж яриа өрнүүлжээ.

Ангела Меркель бол Зүүн германд өсч, тэндээс канцлер болсон анхны улс төрч юм.

Энэ нь түүний амралтаа авснаас хойшхи олон нийтийн анхны арга хэмжээ болсон бөгөөд сонгуулийн сурталчилгааны сүүлийн хэсэг эхэлж байгааг илтгэж байгаа юм. Германы парламентын сонгууль ирэх сарын 22-ны өдөр болох билээ.

Сүүлийн судалгаагаар Ангела Меркель 68 хувийн санал авсан нь түүний нам сонгуульд ялалт байгуулж, гурав дахь удаагаа Германы канцлер болох магадлалтайг харуулсан байна.

Д.Идэр