Эмиратын хааны гэр бүл дэлхийн хамгийн том хөлөг онгоцыг шинээр бүтээлгэж эзэмших болжээ. Арабын нэгдсэн Эмират улсын Ерөнхийлөгч, Шейх Халифа Зайяд Султан аль Нахайян дэлхийн хамгийн том хөлөг онгоц болох 180 метр урттай “Аззам”-ыг эзэмшиж байна.

“Аззам” хөлөг онгоцыг “Nauta Yachts” компани Германд бүтээжээ. Хөлөг онгоцыг хоёр дизель, хоёр газан хөдөлгүүрээр хамгийн дээд цэгт нь хурдлуулах боломжтой байна. Энэхүү гайхамшигт онгоц нь хурдаараа дэлхийд гуравдугаарт бичигдэх гэнэ. 

Онгоцыг энэ жилийн эхээр худалдахад хэн худалдаж авсан нь тодорхойгүй байсан ч саяхан Эмиратын Шейх эзэмшиж байгааг тогтоожээ. “Аззам” хөлөг онгоцыг бүтээхээд 400-600 сая ам.доллар зарцуулсан гэдэг. 1830 метр кв талбайтай уг хөлөг дээр хоёр нисдэг тэрэг газардах боломжтой байна.

Өмнө нь Челси хөлбөмбөгийн клубын эзэмшигч Абрамовичийн 100 метрийн урттай “Eclipse” хөлөг онгоц дэлхийн хамгийн том нь хэмээн нэрлэгдэж байсан юм.

Д.Идэр