ХААИС-ын захирал асан Б.Бямбааг ШШГЕГ-ын харьяа цагдан хорих 461 дүгээр ангид саатуулжээ. Энэ талаар албаны эх сурвалжаас тодруулахад,  “Түүнийг өмч хөрөнгөтэй холбоотой асуудлаар саатуулсан” гэв.  Тодруулбал, Улсын мөрдөн байцаах газрын Эдийн засгийн гэмт хэрэгтэй тэмцэх хэлтсээс түүнийг ажилтнуудынхаа нийгмийн асуудлыг шийдэх нэрийдлээр сургуулийн эзэмшил газраас "Химон констракшин" ХХК-д өгч, ямар ч тендергүй барилга бариулсан. Мөн 20 байрны үнэнд 1,3 тэрбум төгрөг сургуулиас нэмж шилжүүлсэн. Үүнээс 16 байр авсан хэдий ч ойр тойрны цөөн хүмүүст хуваарилсан хэрэгт буруутган шалгаж байгаа аж. Түүнчлэн дөрвөн орон сууцыг хэн авсан нь тодорхойгүй байгаа аж.

 Сургуулийн мөнгөөр бариулсан орон сууцанд Б.Бямбаагийн хүү Бүрэнбаатар, жолооч Б.Болдбаатар, Шадар сайд Д.Тэрбишдагвын охин Т.Одсүрэн, Су.Батболдын садан төрөл болох Н.Баясгалан нар орсноос гадна сургуулийн ерөнхий санхүүч Д.Янжмаа гурван өрөө байр, гараашийн хамт авчээ. Түүний албан тушаалаа урвуулан ашиглаж хөрөнгө идсэн гэх асуудалд проректор асан Н.Амарсайхан, ерөнхий санхүүчээр ажиллаж байсан Д.Янжмаа нар мэдүүлэг өгч эхлээд байна.