Хятадын алдартай улс төрч Бо Силайгийн шүүх хурал өнөөдөр эхэлж, олон улсын анхаарлын төвд байна. Тэрбээр Хятадын зүүн хэсэгт орших Жинан хотод хоёр өдрийн өмнө хүрэлцэн ирсэн юм. Бо Силайг хээл хахууль болон Их Британы бизнесмений аминд хүрсэн хэрэгт холбоотойгоор шүүж байгаа билээ. Шүүх хурлын гадаа олон тооны сэтгүүлчид цугларсан байгаа бөгөөд мөн шүүгдэгчийг дэмжигчид эсэргүүцлээ илэрхийлсэн юм. Гэсэн ч тэднийг үймээн тарьсан хэргээр цагдаа нар баривчлаад байна.
2011 оны арваннэгдүгээр сард Бо Силай захирагч нь байсан Чунцин хотын нэгэн зочид буудалд амиа алдсан байсныг олсон юм. Тэр үед Бо Силай Коммунист намыг дараагийн арван жилд удирдах хүнээр нэрлэгдээд байсан билээ. Түүнийг Хятадын Кеннеди гэдэг байв. Хятадын Жаклин Кеннеди гэдэг байсан эхнэр Гу Кайлай энэ үед татвараас зайлсхийсэн хэргээр шалгагдаж байжээ. Тэрээр Нейл Хейвудын тусламжтайгаар гадаад руу илгээж байсан хэдэн арван сая хууль бус долларын хэргийг илрүүлэхгүйн тулд британи иргэнийг алснаа энэ хэргийг шалгаж буй мөрдөгчдөд өчсөн байна. Гу Кайлай англи түншээ хөнөөгөөд зогсохгүй нөхрийгөө Чунцин хотын даргын суудалд байх сүүлийн хэдэн сард хэд хэдэн бизнесмэнээс ихээхэн хэмжээний авлига авчээ.
