НҮБ-ын Ерөнхий нарийн бичгийн дарга Бан Ги Мүн Сирийн химийн зэвсгийн халдлагад өртсөн гэх иргэдийн асуудлыг яаралтай тодорхой болгож, шалгахыг Засгийн газраас нь хүслээ.
    Сирийн Дамаск хотын ойролцоо болсон мөргөлдөөнөөр босогчид химийн хортой бодис хэрэглэснээс болж энгийн иргэд, хүүхэд нийлсэн 100 гаруй хүн амь насаа алдаад байна. Тиймээс энэ нь үнэхээр химийн зэвсэг байсан эсэхийг шалгаж, шинжлэхийг олон улсын зүгээс шаардаж байна. Тухайлбал Франц улс үнэхээр химийн зэвсэг гэдэг нь батлагдвал зүгээр суухгүй, ямар нэгэн арга хэмжээ авна хэмээн мэдэгдсэн юм. Ноён Бан Ги Мүн "Ямар ч Засгийн газар, ямар ч нам хүчин, хэн д ч бусдын эсрэг химийн зэвсэг ашиглах эрх байхгүй. Хэн ч өдөөсөн бай энэ халдлагыг яаралтай шинжлэх ёстой" гэж өнөөдөр Сөүл хотод мэдэгдэл хийхдээ дурдсан байна.

    Олон улсын шинжээчид өнөөдөр Сирид очсон ч Засгийн газраас химийн зэвсэг ашигласан гэх хэдхэн газарт л очихыг зөвшөөрчээ.